2011 yil 18 mayda Magistratura bo’limining faollar zalida “Iqtisodiyotni modernizatsiyalash sharoitida moliya, bank, soliq, sug’urta, qimmatli qog’ozlar bozori, investitsiya, buxgalteriya hisobi va audit tizimlarini takomillashtirish masalalari”ga bag’ishlangan magistrantlarning XI an’anaviy ilmiy-amaliy konferentsiyasi bo’lib o’tdi. Konferentsiyada i.f.n., dotsent A.Suvonqulov “Iqtisodiyotni modernizatsiyalashda davlat moliya tizimidagi islohotlar”, i.f.n., dotsent E.Qodirov “Moliyaviy bozorni xalqaro moliyaviy inqiroz sharoitida boshqarish instrumentlari”, i.f.n., dotsent U.Burxanov “Jahon moliyaviy inqirozining xalqaro munosabatlarga ta’siri” mavzularida ma’ruza qilishdi.

2011 yil 26 aprelda Toshkent moliya instituti Magistratura bo’limining Majlislar zalida “O’ZBEKISTON BUYUK IPAK YO’LI CHORRAHASIDA” mavzusidagi respublika ilmiy-amaliy konferentsiyasi bo’lib o’tdi. Konferentsiyada TMI dotsenti, i.f.n Suvankulov A.R. “Buyuk Ipak yo’lini tiklashning zamonaviy aspektlari”, TDIU dotsenti, i.f.n. Sadikov N. “Mirovoy opit v sozdanii i ispolzovanii tematicheskix parkov mini Velikiy Shelkoviy put v Uzbekistane”, O’zFA Iqtisodiyot instituti dotsenti, i.f.n. Trostyanskiy D.V. “Znachenie “Mini park Tashkent” dlya razvitiya malogo biznesa i chastnogo predprinimatelstva”, TMI dotsenti, i.f.n. Sattarov M.N. “Buyuk Ipak yo’lida innovatsiya va yangi texnologiyalarni tarqalishi” mavzularda ma’ruzalar qilishdi.

Mamlakatimiz mustaqilligining 20 yilligini tantanali va munosib nishonlashga yo’naltirilgan chora-tadbirlar rejasida belgilangan tadbirlar ijrosi yuzasidan 2011 yil 17 aprel kuni Bo’stonliq tumanidagi “Moliyachi” dam olish oromgohida obodonlashtirish va ko’kalamzorlashtirish ishlari tashkil etildi. Unda Magistratura bo’limi jamoasi va talabalari faol qatnashdi.

2011 yil 24 mart kuni Magistratura bo’limi 1-kurs magistrantlari “Qatag`on qurbonlari xotirasi” muzeyiga tashrif buyurishdi. Magistrantlar qatag`on qurbonlari A.Qodiriy, Fitrat, Cho`lpon va boshqalaning hayotiga oid ma`lumotlar bilan yaqindan tanishishdi.

Umuman olganda, institutimiz Magistratura bo’limi magistrantlarining "Qatag`on qurbonlari xotirasi" muzeyiga tashrifi taassurotlarga boy bo’ldi.