Asosiy saxifa | Sayt xaritasi | Forum
YangiliklarMa'lumotlarStrukturaO'quv jarayoniDavlat ramzlariInteraktiv xizmatlar FotogalereyaAbiturient-2015GOVEDUZIYONETWWW.UZElektron universiteti
Struktura > Fakultetlar > Sug`urta fakulteti
Sug'urta fakulteti
“Sug'urta” fakulteti to’g’risidagi Nizom

Radjabov Umurzak Ablakulovich

Iqtisod fanlari nomzodi, dotsent

1960-yilda Surxondaryo viloyati Denov shahrida tug‘ilgan. Oliy iqtisodiy ma’lumotga ega. Iqtisod fanlari nomzodi, dotsent. 1998-yilda ishlab chiqarishdan ajralmagan holda Toshkent moliya institutining Moliya-kredit fakultetini “Soliqlar va soliqqa tortish” ixtisosligi bo‘yicha muvaffaqiyatli tugatgan. 1979-yilda avtomobil birlashmasida yo‘l-transport nazoratchisi, mexanik lavozimlarida ishlagan. 1980-1983-yillarda harbiy dengiz flotida harbiy xizmatda bo‘lgan. 1983-1993-yillarda Denov avtomobil o‘quv kombinatida o‘qituvchi lavozimida ishlagan. 1993-1998-yillarda Surxondaryo viloyati Denov shahar Davlat soliq inspektsiyasida inspektor, bosh inspektor, sektor boshlig‘i lavozimlarida ishlagan. Davlat soliq xizmatining 1-darajali inspektor unvoniga sazovor bo‘lgan. 1998-2011-yillarda Toshkent moliya institutining Marketing xizmati bo‘limi boshlig‘i lavozimida hamda “Soliqlar va soliqqa tortish” kafedrasida o‘rindoshlik asosida dotsent lavozimida ishlagan. 2000-yilda O‘zbekiston Respublikasi “Ustoz” jamg‘armasi e’lon qilgan tanlovda qatnashib, grant sovrindori bo‘lgan. 2006-yilda “O‘zbekiston iqtisodiyotini erkinlashtirish sharoitida soliq tizimini takomillashtirish” mavzusida nomzodlik dissertatsiyasini muvaffaqiyatli himoya qilgan va iqtisod fanlari nomzodi ilmiy darajasiga ega bo‘lgan. 2011-2014-yillarda Toshkent moliya instituti Sug‘urta fakulteti dekani lavozimida ishlagan. 2014-2015 yillarda “Moliya” kafedrasi dotsenti sifatida faoliyat ko‘rsatgan. 2015 yilning sentyabridan Toshkent moliya instituti Sug‘urta fakulteti dekani lavozimida faoliyat ko‘rsatmoqda. 2004 yilda 4-shodlik saylov okrugidan, 2014 yilda 57-Otchopar saylov okrugidan xalq deputatlari Toshkent shahar Kengashi deputatligiga nomzodi qo‘yilgan. 2012 yilda Toshkent shahar kengashi deputatligiga bo‘sh qolgan o‘rinlarga nomzodlarni saylashda 539-saylov uchastkasining saylov komissiyasi raisi bo‘lgan. Radjabov Umurzak Ablakulovich 30 dan ortiq ilmiy va o‘quv-uslubiy ishlar muallifi. Jumladan 2 ta o‘quv qo‘llanmasi, 30 dan ortiq ilmiy maqola va tezislari mahalliy hamda xalqaro ilmiy jurnal va konferentsiyalarda chop etilgan.

Oliy va o’rta maxsus ta’lim vazirligining 2005 yil 3 fevraldagi “Oliy ta’lim muassasasining namunaviy tashkiliy tuzilmasini tasdiqlash to’g’risida”gi 21-sonli buyrug’i, shuningdek, institut rektorining 2005 yil 27 avgustdagi 137-sonli buyrug’iga asosan Moliya-iqtisod fakultetida tayyorlanayotgan “Soliqlar va soliqqa tortish” va “Sug’urta ishi” ta’lim yo’nalishlari negizida Soliq va sug’urta ishi fakulteti tashkil qilingan. 2011-2012 o’quv yilidan e’tiboran, fakultetning nomi Sug’urta fakulteti deb o’zgartirildi.

Fakultet shiori: Soliq tizimi va sug’urta faoliyatiga etuk, malakali va raqobatbardosh kadrlar tayyorlash.

Hozirda fakultetda 5230800-“Soliqlar va soliqqa tortish” hamda 5231200 -“Sug’urta ishi” yo’nalishlari bo’yicha bakalavrlar tayyorlanadi

Fakultet institutning o’quv-ilmiy va ma’muriy tarmog’i hisoblanib, “Soliqlar va soliqqa tortish” va “Sug’urta ishi” yo’nalishlari bo’yicha bakalavr kadrlar hamda stajyor-tadqiqotchi-izlanuvchilar va katta ilmiy xodim-izlanuvchilarni tayyorlash, shuningdek kafedralarning o’quv-uslubiy, ilmiy-tadqiqot va ma’naviy-ma’rifiy ishlarini muvofiqlashtirib boradi. Bugungi kunda fakultet tasarrufida “Soliqlar va soliqqa tortish”, “Sug’urta ishi” hamda “Falsafa va O’DJQNA” kafedralari mavjud.

Sug’urta fakulteti Rossiya Federatsiyasi Hukumati qoshidagi Moliya Akademiyasi, Plexanov nomidagi Rossiya Iqtisodiyot Akademiyasi, Moskva Davlat Universiteti, Sankt-Peterburg Moliya-iqtisod Universiteti, Germaniyaning Manxeym Universiteti, AQShning Texas A&M Universiteti, Koreyaning YoJU texnologiya instituti, Xitoyning Shanxay Universiteti, Germaniya Garburg Informatsion texnologiyalar Universiteti, Chexiyaning “Iqtisodiyot va menejment oliy maktabi” bilan o’zaro hamkorlik aloqalari o’rnatgan. Ushbu hamkorlik aloqalari samarasi o’laroq fakultet professor-o’qituvchilari va talabalari rivojlangan davlatlar ta’lim muassasalarida ta’lim olib, o’z malakalarini oshirib kelmoqdalar.

Fakultet professor-o’qituvchilari tomonidan so’nggi yillarda ko’pgina darslik va o’quv qo’llanmalar chop etilmoqda. Jumladan: prof. A.Vahobov va prof. A.Jo’raev tomonidan “Soliqlar va soliqqa tortish” darsligi, “Soliqlar va soliqqa tortish” kafedrasi professor-o’qituvchilari tomonidan “Soliq nazariyasi”, “Bojxona ishi asoslari”, “Soliq qonunchiligi asoslari”, “Soliqni prognoz qilish”, “Soliq menejmenti” o’quv qo’llanmalari yaratildi.

“Sug’urta ishi” kafedrasi professor-o’qituvchilari tomonidan “Sug’urta tashkilotlarida buxgalteriya hisobi va audit” o’quv qo’llanmasi nashr etildi.

Fakultetda ma’naviy-ma’rifiy tadbirlar tasdiqlangan ish reja asosida olib borilmoqda. Joriy o’quv yilida fakultetda 31 ta akademguruhlar mavjud bo’lib, ularga fakultet tasarrufidagi kafedralarining professor-o’qituvchilari murabbiylar etib tayinlangan.

Hozirgi vaqtda fakultet talabalarining 56 nafari talabalar turar joyida istiqomat qilishmoqda.O’quv yili davomida qator ma’naviy-marifiy ishlar o’tkazib kelinmoqda:

Fakultet dekanati va unga qarashli kafedralarning barchasi zamonaviy kompyuterlar bilan jihozlanganbo’lib, ular institut lokal tarmog’i va u orqali INTERNET ga ulangan. Shuningdek, institut saytida fakultetning sayti va elektron pochtasi ochilgan. Institut talabalari va professor-o’qituvchilari ulardan keng foydalanish imkoniyatiga ega

Fakultet professor-o’qituvchilari o’qitiladigan fanlar kompyuter va zamonaviy axbarot texnalogiyalari asosida o’qitilmoqda.



Bo'glanish uchun ma`lumot:

Fakultet manzili: Toshkent shahar Kichik xalqa yo’li, 7-uy.

Muloqot telefonlari: (+99871) 234-45-89 fakultet dekani, (+99871) 234-23-29 dekanat

Fakultet elektron pochtasi: dsuf@tfi.uz


© 1999-2012. Saytda joylashtirilgan barcha ma’lumotlar Uzbekiston va xalqaro qonunchiligida mualliflik xuquqlar asosida ximoyalangan. Saytdagi ma'lumotlardan sayt muallifi ruxsatisiz foydalanish ta'qiqlanadi. Toshkent Moliya Instituti. AT Markazi.