Kafedra tarixi

"Ta'lim to'g'risida"gi Qonun va "Kadrlar tayyorlash Milliy Dasturi"ni amalga oshirishning 2006 yil va undan keyingi yillarga mo'ljallangan sifat jihatidan yangi bosqichi uzluksiz ta'lim tizimining boshqa bosqichlari bilan birga, oliy ta'lim tizimida malakali kadrlar tayyorlash jarayonlariga yangi talablarni qo'ymoqda. Davlat moliyasini boshqarish tizimining isloh qilinishi, davlat mablag'larini boshqarishning printsipial jihatdan yangi shakli bo'lgan g'aznachilik tizimining joriy qilinishi mazkur sohada samarali faoliyat yurita oladigan, zarur bilim va ko'nikmalarga ega yuqori malakali mutaxassis-kadrlar tayyorlash zaruriyatini keltirib chiqardi. Ushbu zaruratni ta'minlash maqsadida yetarli tajriba va ilmiy salohiyatga ega bo'lgan "Moliya" kafedrasi negizida institut rektorining 2007 yil 19 oktabrdagi "Institutda yangi kafedralarni tashkil qilish to'g'risida"gi 153-sonli buyrug'i bilan "G'aznachilik ishi" kafedrasiga asos solindi.

Hozirgi kunda kafedrada 20 ta professor-o'qituvchi, jumladan, 1 ta fan doktori, professor, 2 ta faxriy professor, 4 ta fan nomzodi, dotsentlar, 2 ta faxriy dotsentlar, 6 ta katta o'qituvchilar va 5 ta assistent asosiy shtat bo'yicha va o'rindoshlik asosida faoliyat yuritib kelmoqda.

Kafedra tashkil etilganidan buyon kafedrani iqtisod fanlari nomzodi, dotsent Karimova Zamira Hakimovna boshqarib kelmoqda.

Kafedra shiori: Kafedra shiori - intellektual salohiyatni shakllantirish va rivojlantirish.

Kafedraning asosiy maqsadi

Kafedraning asosiy maqsadi "Ta'lim to'g'risida"gi Qonun va "Kadrlar tayyorlash Milliy Dasturi"ning ustuvor vazifalarini ta'minlash doirasida davlat moliyasi tizimi uchun zamon talablariga javob beruvchi va jahon andozalariga mos etuk mutaxassis kadrlarni tayyorlashdan iborat.

Kafedraning asosiy vazifalari:

Kafedra maqsadidan kelib chiquvchi vazifalari quyidagilardan iborat:

1. Oliy ta'limning davlat ta'lim standartlariga muvofiq tuzilgan o'quv rejalarida belgilangan ma'ruzalar, amaliy va boshqa turdagi mashg'ulotlarni yuksak nazariy, ilmiy, uslubiy va kasbiy darajada o'tkazish;
2. Talabalarning bitiruv malakaviy ishlari va magistrlik dissertatsiyalariga, bitiruvoldi malakaviy amaliyotlariga va mustaqil ishlariga rahbarlik qilish;
3. Talabalari bilimini reyting tizimi asosida adolatli baholash;
4. Talabalarnning nazariy bilim va ko'nikmalarini amaliyot bilan bog'lash uchun shart-sharoit yaratish;
5. Kafedra fanlari bo'yicha o'quv dasturlarini ishlab chiqish, va belgilangan tartibda tasdiqqa taqdim etish, shuningdek, turdosh kafedralar tomonidan tayyorlangan o'quv dasturlarini muhokama qilish;
6. Darslik, o'quv, uslubiy va ko'rgazmali qo'llanmalarni tayyorlash va nashr etiladigan boshqa darslik, o'quv qo'llanma va o'quv uslubiy adabiyotlarni muhokama qilib borish;
7. Nodavlat ta'lim muassasalari buyurtmalari bo'yicha zaruriy o'quv-uslubiy adabiyotlarni tayyorlashda ishtirok etish;
8. Iqtidorli talabalar bilan ishlash, ularni fan olimpiadalariga, turli tanlovlarga tayyorlash, ilmiy izlanishlar olib borishi va mustaqil ta'lim olishining shakl va uslublarini takomillashtirish;
9. Kafedra professor-o'qituvchilariga ilmiy-tadqiqot ishlarini olib borish uchun shart-sharoit yaratish;
10. Tugallangan ilmiy-tadqiqot ishlarini muhokama etish va ularni ixtisoslashtirilgan Ilmiy Kengashga tavsiya etish;
11. Ta'lim, fan va ishlab chiqarishning integratsiyalashuvini ta'minlash;
12. Kafedra professor-o'qituvchilarining o'quv, o'quv-uslubiy, ilmiy-tadqiqot, ma'naviy-ma'rifiy va tashkiliy ishlar bo'yicha shaxsiy rejalarini ko'rib chiqish va tasdiqlash;
13. Tajribali professor-o'qituvchilarning ish tajribalarini o'rganish, umumlashtirish va tarqatish, yangi pedagogik va axborot texnologiyalarini o'zlashtirish va ularni dars jarayoniga tadbiq etish;
14. Institut, mamlakat va xalqaro miqyosdagi ilmiy-amaliy anjumanlarda ilmiy ishlar bilan ishtirok etish, shu bilan birga, zamonaviy va dolzarb ilmiy yo'nalishlardagi tadbirlarni tashkil etish.

Kafedrada o'qitiladigan fanlar tarkibi

Kafedra tomonidan ta'lim yo'nalishlari va magistratura mutaxassisliklarida quyidagi fanlar o'qitiladi:

Bakalavriat yo'nalishlarida:

• Davlat byudjeti;
• Mahalliy byudjetlar;
• Byudjetdan tashqari fondlar;
• G'aznachilik asoslari;
• G'aznachilik tizimida nazorat.

Magistratura mutaxassisliklarida:

• O'zbekiston Respublikasi byudjet tizimi;
• Davlat byudjeti ijrosining g'aznachilik tizimi;
• Byudjetlararo munosabatlarni shakllantirish;
• Xorijiy mamlakatalar byudjet tizimi;
• G'aznachilik faoliyati mexanizmi;
• Davlat byudjeti o'rta muddatli istiqbolini belgilash.

Bakalavriat:

• Davlat byudjeti - "Moliya", "Soliqlar va soliqqa tortish". "Sug'urta ishi", "Buxgalteriya hisobi va audit", "Investitsiya loyihalarini moliyalashtirish" yo'nalishlarida;
• Byudjetdan tshqari fondlar - "Moliya" yo'nalishida;
• Mahalliy byudjetlar - "Moliya" yo'nalishida;
• Magistratura:
• O'zbekiston Respublikasi byudjet tizimi - "Davlat moliyasini boshqarish", "Soliqlar va soliqqa tortish", "Korxonalar moliyasi", "Moliyaviy menejment" mutaxassisliklarida;
• Davlat byudjeti g'aznachilik tizimi - "Davlat moliyasini boshqarish", "Xalqaro moliya" mutaxassisliklarida;
• Byudjetlararo munosabatlarni muvofiqlashtirish - "Davlat moliyasini boshqarish", "Xalqaro moliya" mutaxassisliklarida;
• Kapital bozori va pul (Texas loyihasi bo'yicha) - "Xalqaro moliya", "Xalqaro moliyaviy bozorlardagi operatsiyalar", "Xalqaro bank ishi", "Xalqaro valyuta kredit munosabatlari" mutaxassisliklarida;

Barcha fanlar bo'yicha namunaviy dasturlar, ishchi-o'quv rejalari, o'quv-uslubiy komplekslar tayyorlangan, dars mashg'ulotlari ulardan keng foydalanilgan holda o'tkaziladi. Shuningdek, har o'quv yilida ular yangilanib, to'ldirilib boriladi.

Talabalar amaliyoti: Kafedraning o'quv yuklamasiga muvofiq "Moliya" ta'lim yo'nalishi 4-kurs talabalari bitiruvoldi malakaviy amaliyotini o'taydilar. Amaliyot O'zbekiston Respublikasi Moliya Vazirligida, uning hududiy Boshqarma va bo'limlari, shuningdek, Moliya vazirligi G'aznachiligi va uning hududiy g'aznachilik organlarida o'tkaziladi.

"G'aznachilik ishi" kafedrasi professor-o'qituvchilari haqida ma'lumot

O'rindoshlik asosida

"G'aznachilik ishi" kafedrasining lavozimlar bo'yicha tarkibi

O'quv-uslubiy ishlar

Kafedra tomonidan bakalavriatning 5341700 - "G'aznachilik" ta'lim yo'nalishi va uning negizida magistraturaning 5A341701 - "Byudjetning g'azna ijrosi", 5A341702 - "G'aznachilikda shartnomalar ekspertizasi", 5A341703 - "Kasb-hunar fanlarini o'qitish metodikasi" (G'aznachilik) mutaxassisliklari uchun Davlat Ta'lim Standartlari ishlab chiqilgan.

Ushbu ta'lim yo'nalishi va magistratura mutaxassisliklari yuzasidan o'quv reja va ishchi-o'quv rejalar ishlab chiqilgan.

Kafedra etakchi professor-o'qituvchilaridan iborat ishchi guruhi faoliyat yuritmoqda. Ishchi guruh zimmasiga bakalavriat yo'nalishlari va magistratura mutaxassisliklarida o'qitiladigan fanlar yuzasidan o'quv (namunaviy) va ishchi-o'quv dasturlarini ishlab chiqish yuklatilgan. 2008-09 o'quv yili uchun bakalavriat yo'nalishida "Davlat byudjeti", "Mahalliy byudjetlar", "Byudjetdan tashqari fondlar", "G'aznachilik asoslari", "G'aznachilik tizimida nazorat" fanlaridan, magistratura mutaxassiliklarida o'qitiladigan "O'zbekiston Respublika byudjet tizimi", "Davlat byudjeti ijrosining g'aznachilik tizimi", "Byudjetlararo munosabatlarni muvofiqlashtirish", "Xorijiy mamlakatlar byudjet tizimi", "G'aznachilik faoliyati mexanizmi", "Davlat byudjeti o'rta muddatli istiqbolini belgilash" kabi fanlardan o'quv va ishchi-o'quv dasturlar, o'quv-uslubiy komplekslar yaratildi.

Kafedra tomonidan 2008-09 o'quv yiliga mo'ljallangan o'quv adabiyotvlarining nashr istiqbol rejasi ishlab chiqilgan.

Aspirantura va doktorantura

Kafedrada hozirgi kunda ishlab chiqarishdan ajralmagan holda bir nechta kunduzgi aspirant tahsil olmoqda. Bundan tashqari kafedra ilmiy tadqiqotchilaridan B. Nurmuxamedova, Sh.Hamdamov, A.Xaydarov, N.Kabirova, S.Aliev va A.Islamkulovlar kafedradadagi pedagogik faoliyatlari bilan bir qatorda ilmiy tadqiqot ishlarini olib bormoqdalar. Aspirant va ilmiy tadqiqotchilarning ilmiy ishlari mavzulari institut Ilmiy Kengashi tomonidan tasdiqlangan. Ilmiy rahbarlari bilan kelishilgan holda tuzilgan kalendar ish rejalariga muvofiq ilmiy tadqiqotlarini olib bormoqdalar, shuningdek, belgilangan tartibda nomzodlik imtihonlarini topshirmoqdalar.

Kafedra ilmiy-tadqiqot ishlari

Kafedra professor-o'qituvchilaridan 2 nafari doktorlik, 11 nafari nomzodlik dissertatsiyasi ustida ilmiy izlanish olib bormoqdalar:

Ilmiy-tadqiqot ishlari

Kafedraning ilmiy-tadqiqot yo'nalishi asosan "Iqtisodiyotni erkinlasVhtirish sharoitida davlat byudjeti ijrosining samarali ijrosini ta'minalsh" bo'lib, kafedraning ilmiy-tadqiqot ishlariga professor-o'qituvchilar, aspirantlar va tadqiqotchilar jalb etilgan.

Joriy o'quv yilida kafedra a'zolaridan 2 nafari (Z.Srojiddinova, G,Qosimova) doktorlik dissertatsiyasi ustida ishlamoqda. 1 nafari (H.Jamolov) doktorlik dissertatsiyasini Ilmiy Kengashga topshirdi va himoya arafasida, 6 nafari nomzodlik dissertatsiyasi mavzusini tasdiqlatdilar, 2 nafari nomzodlik dissertatsiyasini muhokama etib, Ilmiy Kengashga tavsiya oldilar. Hozirgi kunda har bir kafedra a'zosi o'ziga biriktirilgan mavzu asosida ilmiy tadqiqot olib bormoqdalar. Ilmiy tadqiqot ishlari va erishilgan natijalar har oyda kafedra umumiy yig'ilishida muhokama etiladi. Kafedra professor-o'qituvchilarining ilmiy tadqiqot ishlari bilan qamrab olish darajasi 86 % ni tashkil etadi.

Kafedraning ma'naviy-ma'rifiy faoliyati "G'aznachilik ishi" kafedrasining 2008-09 o'quv yiliga mo'ljallangan ma'naviy-ma'rifiy ishlar rejasi

Bo'glanish uchun ma`lumot

Manzil: 100000, Toshkent shahri, Yunusobod tumani, Niyozbek yo'li ko'chasi,6

Telefon: 2350367

E-mail: treasury@tfi.uz